Shillong: Ka Hand Of Hope Society Mooshrot, West Jaiñtia Hills ha ka 5 tarik Naitung, 2025 ka la ioh ban thung ia ki tynrai dieng kumba 50 tynrai hapoh ka shnong Mooshrot kum ka dak ban burom ia ka mei mariang.
Ïa kane ka jingthung dieng la ïalam da u supervisor, u Bah Sunil Lamare ryngkat bad ki member jong ka society.
Na ka liang ka Society ka buh ruh ka jing kyrpad ïa ki paidbah ba ki dei ban sumar ïa ka mei mariang ym ban pynjot ne dusmon ïa ka.
Ka Society ka buh ruh ka jingkyrpad ïa ki nong shong shnong bad ruh ïa ki briew kiba don ïa ka jingiatip lem ba ki dei ban hikai ïa ki khun ki kti ki jong ki naduh na rympei īing ba kumno ki dei ban sngewthuh ba kin ym bret jakhlia ha ki lynti ki syngkieng bad ba kin ïaleh kat kaba lah ban sumar khuid ïa ki sawdong sawkun khnang ban ïoh ïa ka jingkoit jingkhiah bad ban wanrah biang ia ka shnong ka thaw bad ia ka jylla hi baroh kawei kum ka jaka bakhuid tam ha ka ri.
Kum ban pynkut, ka Society ka shim ruh ïa ka kabu ban ai khublei Beh Deiñkhlam kaba suk bakmen ïa baroh ki khun ka Niam Tre, ai ba u Blei un kyrkhu ïa ka sngi ka jong phi.
