Shillong: Ka jingjia kaba sngewsih kala jia ha ka step 12 tarik u Naiwieng 2024 ha ka shnong Rimynñiar, Nongstoin, ha kaba uwei u nonghikai skul uba la 50 snem ka rta, ba la tip kyrteng u Bokstar Sohlang, napoh ka shnong Mawkhlam-Nongpyndeng ula duh ei ia la ka jingim hadien ka jingia kajia bad uwei u briew ba la tip kyrteng kum u Piswel Langrin, uba dei u runar uba la suba donkti ban leh ia katei ka kam.
U Rangbah Shnong ka Wahlyndoh, la ong ba katei ka jingjia ka la jia ha ka por kumba 1:00 baje ei ei mynstep bad la ong ba kitei ki briew ki la iakajia kat haduh ba utei u Piswel Langrin u la pyndonkam syndon da ka tari ban ot na pdot jong utei u nonghikai skul ha kaba u la khlad noh na ka daw jong ka jingmynsaw kaba jur kaba la jia ruh hajan ka iing jong utei u suba nongpyniap.
Hadien katei ka jingjia kaba shyrkhei, u tei u runar ula phet noh bak na katei ka jaka, hynrei, da ka jingshimkhia jong ki bor synshar shnong bad ki paidbah, la ioh ban kem noh ia utei u briew bad aiti sha ki bor pulit kiba dang tohkit bniah halor katei ka jingjia.
