Shillong: U Bah Francis G. Kharshiing u ba la shah thung kum u Misson Director jong ka DREAM, ka project kaba ka Sorkar Jylla ka la wanrah ban ïakhun ïa u Droks bad kiwei ki jingdih pynbuaid ha ka 11 tarik u Naiwieng, 2024, u la leit ban ïakynduh ïa u Myntri Sorkar ka tbat Social Welfare, u bah Paul Lyngdoh.
Ka DREAM ka dei ban ialeh pyrshah bad ban pynduh jait ia u drok ha ka jylla bad u bah Francis uba dei u ophisar IPS ba la shongthait u la leit ban kynduh ïa u bah Paul tang mar ïa shimti ïa ka kam, ka ba ka jingleit iakynduh ka jong u ka dei ban iakren ia tai halor kumno ban pyniaid shakhmat ia ki kam.
Haba kren bad ki lad pathai u bah Francis u la ong ba ma u kum u rangbah u don ka jingsngewkhia haba iadei ka jingma bad ka jingsniew kaba mih na u drok. U la ong ba kum u mission Director un shimkhia ban pyntyllun ia ka kam ba kumno ban iakhun ban punduh jait ia u drok ha ka jylla Meghalaya.
